Përveç se ka qëndruar midis mjeshtrave të mëdhenj te bilardos, shqiptari 18- vjeçar fitoi dhe kampionatin me rezultatin 2-0. Quhet Klenti Kaci dhe ka aftësi dhe një talent të jashtëzakonshëm për një 18-vjeçar, aq sa i lejuan të fitonte dhe Kampionatin Masters të Aramith në New York. Ai arriti të mposhtë në finale filipinasin Carlo Biado me rezultatin e pastër 2-0. Përveç triumfit në këtë turne prestigjioz, Klenti ka tërhequr dhe vëmendjen e mediave amerikane për talentin e tij dhe për moshën e re, teksa e konsiderojnë me një të ardhme të sigurte në këtë sport.
Në një prej shkrimeve dedikuar pikërisht Klentit lexohet se djaloshi, që luan rregullisht në Euro Tour, prej 8 muajsh gjendet në SH.B.A. ku ka zhvilluar një sërë sfidash për të fituar më tepër përvojë.
Suksesi i arritur prej tij në Aramith Mastëer Championship, që është një turne i vlefshëm për Ëorld Pool Series ishte një pasqyrim i aftësive të 18 vjeçarit shqiptar, aq sa shumë komentator lojën e tij në finale me Biadon e cilësuan si atë të një veterani duke shfaqur një pjekuri të madhe.
Suksesi në Mastersin e Aramith i siguroi Klentit dhe çekun prej 12 mijë dollarësh për vendin e parë por mbi të gjitha një vend mes mjeshtërve të bilardos botërore.
